Бірегей

Ел дамуында елеулі еңбегімен танылған азаматтарды насихаттауға арналған тележоба. Танымал тұлғалар арқылы мемлекетшілдік, патриотизм құндылықтары насихатталады. Мақсат - өз дара жолын жасап, мемлекет дамуына үлес қосып жүрген, өнегелі ісі арқылы құбылысқа айналған тұлғаларды үлгі ету. 

Қазіргі тұлғаларға қажет қасиет – қайраткерлік. Қайраткер деген ұғым – тарихи өлшем. Ал қайраткерлік қайдан шығады? Қайраткерліктің үздік үлгісі кімдер? «Бірегей» деректі фильмі осы сұрақтардың жауабын іздейді.

Шынтуайтында, қазақ ұлтында тарихи тұлғалар мол. Жұртының амандығын, жерінің бүтіндігін мұрат еткен қазақ тарихындағы тұлғалар ұлт тарихының әр белесінде қайраткерлік деңгейге көтеріліп отырған. Ел тарихын әйгілі тұлғалар арқылы зерделеу – қазақтың дәстүрлі таным-түсінігіне ертеден қалыптасқан үрдіс. Қоғамның саяси-әлеуметтік, мәдени-рухани ахуалы ұдайы жеке тұлғалар болмысы арқылы көрініс табады. 

«Бірегей» деректі фильмінің кейіпкерлері – ұлт мәдениетіне, ел тарихына еңбегі сіңген азаматтар. Бүгінде өнер, мәдениет, әдебиет, ғылым, тарих, білім салаларында қызмет ете жүріп, қайраткер деген атауға лайық ел игілігі үшін аянбай тер төгіп жүрген адамдар. Олардың ішінде өмірден озғандары да бар.

Бұл фильм сондай біртуар азаматтардың мерейтойларына орайластырылып жасалады. Фильмді көркемдеу үшін айрықша режиссерлік детальдар беріледі. Кейіпкер келбетіне өзгеше өң берудің, көрермен көңілін толқытудың амалдары жасалады. Дарын иесінің өмір жолы ешбір қоспасыз беріледі.

Эфир уақыты: бейсенбі 15:15