ТАҒДЫРЛЫ ТУЫНДЫ

Зерттеушілік бағыттағы «Тағдырлы туынды» тележобасында патшалық Ресей мен Кеңес үкіметі кезінде жазылған әдеби туындылар, тарихи шығармалар туралы ақиқаттар айтылып, тағдырлар тақсіреті көрермен назарына ұсынылады. Белгілі ғалымдар мен әдебиетшілердің пікірі (интервьюлер) алынып, сол шығармадағы елді-мекен, тарихи орындардан журналисттің стендаптары арқылы тағдырлы туынды жайлы бағам беріледі.

Кейіпкер ғұмыр кешкен ауыл аймақтан көнекөз қарттары мен оқиғаға куә болған немесе ақиқатын естіп,танып өскен жерлестерінің естелігі тілге тиек етіледі. Кейіпкер өмір сүрген орта мен сол қилы кезеңнің көрінісі баяндалады.

Ұлт мұраты мен тарихын, мәдениеті мен әдебиетін танымаған ұрпақтың отанды сүюі, халқының өткенін зерделеп, тағылымына тамыр тартуы мүмкін емес. Бүгінгі жас ұрпақтың кешегіні білуі, бағалауы ұлтымыздың болашағы үшін қажет екені айқын болса, бұл тележобаның атқарар миссиясы да өзекті.