Талант пен талғам

Бүгінде әлеуметтік желінің кең етек жаюымен, басқа да объективті және субъективті себептермен шығармашылық адамдардың беделі баяғыдай емес екені жасырын емес. Көп адамдар тіпті шынайы өнер иелерін желіде ұрсысып, шарпысып отыратын көп пенденің бірі ретінде қарайтындай жағдайға жеттік. Сөйтіп ақсүйек өнердің де қадірі кете бастағандай. Осы мәселені шығармашылық адамдарының бегілі бір шығарманы дүниеге әкелудегі жан қиналысы, әсер еткен жағдай, оның расында өзге адам баласы байқай бермейтін құблыстарды сезіне білетін өзгеше адам екенін жеткізе алуымыз керек.

Мысалы әйгілі суретші Микеланджело Буонарротидың «менің шеберханадағы қиналыстарымды білсеңдер ол қиналыстың алдында бұл суреттер түкке тұрғысыз болып қалар еді» деген сөзі бар. Осы сөз шығармашылық иелерінің жан әлемін қалай ашып тұр! Біз де өзіміздің өнер иелерін осы тұрғыда аша білуіміз тиіс. Өнер тұрғысында кейіпкердің ішкі құпиясына үңілу көрерменге қызықты болары сөзсіз.

Мақсаты – отандық шығармашылық иелерінің (ақын, жазушы, суретші, мүсінші, режиссер, композитор, орындаушы) ішкі құпияларына үңілу арқылы оны көпшілік көрерменге кеңінен таныстыру әрі өнер туралы танымдық ақпараттар беру, өнерге деген биік талғамды қалыптастыруға себепші болу.