Z-Zaman

«Ақылды әңгіме» жанрындағы ток-шоу үнемі сұранысқа ие болды. Бұл әсіресе қазіргідей телеарналар, You Tube жобалары ойын-сауықтық бағытқа ойысқан тұста айқынырақ байқалады. Пандемия кезінде түрлі курстар мен өзін-өзі дамыту тренингтері санының артуы интеллектуалдық телеөнімдерді қажет ететін көрермендердің үлесін арттырды.

Сондықтан бұл жобаның негізгі мақсаты – 20-40 жас аралығындағы аудитория үшін Қазақстан өміріндегі өзекті мәселелерді өз салаларында жетістікке жеткен танымал жастармен талқылау.

Ток-шоу талқыға түсетін тақырыптар әлеуметтік-тұрмыстық немесе әлеуметтік-саяси мәселелер ғана емес, жастар үшін қызықты ұлттық сипаттағы қоғамдық-құндылық, мәдени мәселелер болатындығымен ерекшеленеді.