Құдіретті қылқалам

Мәдениеттің, өнердің бір саласы – бейнелеу өнері – адамды талғампаз, сезімтал, сыпайы, түсінігі мол етіп тәрбиелеуде таптырмас құрал. Оның үстіне өз ұлтының тарихын, тұрмысын, болмысын, арман-мүддесін танып-білудің бір тетігі.

Елімізде Ұлттық бейнелеу өнерін насихаттау ақсап тұр. Жалпы халықты кәсіби және қолданбалы өнерден алшақтатып алғанымызды мойындау керек. Мектеп бағдарламасында бейнелеу өнері сабағы тоқтаған. Дамыған елдер керісінше сызу, сурет, еңбекке баулу пәндеріне айтарлықтай ден қойып, сол арқылы үлкен жетістіктерге жетуде.