Сөз патшасы

Тәуелсіздіктің 30 жылдығына арналған поэтикалық жоба. Мақсаты – қазақ әдебиетіне ерекше леп, серпін әкелген жас ақындардың шығармашылығын насихаттау, халыққа таныстыру.Жас ақындардың әрқайсысының қолтаңбасы, өзіндік бағыты бар. Сол ерекшелікке байланысты әр ақынның өлеңдері жеке зерттеліп, соған сәйкес режиссерлік қойылымдар жасалады.

   Хабар студияда түсіріледі. Алдымен хабардың негізгі кейіпкері (ақын) туралы ақпарат айтылып, көрерменге таныстырылады. Бұл ақпаратты кейіпкердің өзі айтуы мүмкін немесе кадр сыртындағы мәтін ретінде айтылады. Ал ақынның өлеңдерін сол жерде кәсіби актерлар мен актрисалар оқиды. Әр өлеңге заманауи түрде театрландырылған қойылым жасалады. Және қойылымдар бір-бірін қайталамайтын оригинал болуы тиіс. Бұл көрерменді жалықтырмау мақсатында жасалады. Өлеңдердің тақырыбына шектеу қойылмайды. Іріктеліп алынған ақынның үздік деген бірнеше өлеңі таңдалып алынады.

Сонымен қатар, ақындардың өлеңдеріне жазылған әндер болса, студиядағы камералық аспаптармен тірі дауыста орындалады. Осылайша, поэзия мен музыка өзара араласып, өріліп отырады. Жоба барша өлеңсүйер көрерменге арналған.