Ұлт қазынасы

Хабардың идеясы – бүгінгі күні осы ата-баба кәсібін ұмытпай, сақтап келе жатқан құсбегілер мен аңшыларды, тазы баптаушыларды халыққа таныстырып, халыққа жан-жақты насихаттау. «Ұлт қазынасы» хабары – табиғат құндылықтарына деген адами қарым-қатынасты насихаттайды. Нағыз аңшы, саятшы – браконьерліктің жауы, табиғат жанашыры. «Ұлт қазынасы» халқымыздың экологиялық мәдениетін дамытуға себі тиетін бағдарлама болады деп ойлаймыз.

Бағдарлама тұжырымдамасы: Бағдарлама кейіпкердің айналысатын ісіне байланысты локацияда түсіріледі. Әрбір кейіпкер өзі туралы айтады. Жүргізуші болмайды. Деректі фильм мен арнайы репортаж жанрының элементтері қамтылып, лайф форматында түсіріледі. Кейіпкердің образын ашу арқылы, оның айналысып жүрген ісінің бүге-шігесіне дейін түсіріліп, ерекшелігі әдемі кадрлармен, интершумдармен беріледі.

Бағдарламаның тақырыптық жоспары: Аң аулау мен саятшылық жыл маусымдарының кезеңіне тәуелді болғандықтан, әр маусымдық кезеңге сәйкес бағдарламаның тақырыптары бекітіледі.