Ашық академия

Ашық академия – қазақ әдебиеті мен мәдениетін, тарихын, философиясын, сондай-ақ қазақ халқының құндылықтарын насихаттауға бағытталған бағдарлама.

Уақыт бір орнында тұрмайды. Көп жылдар бойы біз әдебиетіміз бен мәдениетімізді, тарихымызды өзгенің айтуымен танып келдік. Ұлттық санамыз бұрма тарих-түсінікке негізделген күйде сергелдеңге түсті. Алайда, бүгін отандық ғылыми айналымдағы еңбектерге, ұлттық пайымға арқа сүйейтін кез келді.

«Ашық академия» теледәрісі көрерменге еліміздегі танымал ғалымдардың, академиктердің бірегей дәрістерін ұсынады. Бұрын-соңды еш жерде жарияланбаған, енді ғана бір ізге түсіп, жинақталған Алаш қайраткерлерінің бізге беймәлім өмірі мен еңбегін, қазақ тарихына, этнографиясына, қазақ өнері мен мәдениетіне, қазба байлықтарына қатысты тың теледәрістерді тыңдауға мүмкіндік бар.