Театр әлемі
Бағдарлама мақсаты:
Қазақ театры құрылуының 100 жылдық мерейтойы қарсаңында көпшілікті еліміздегі театр мәдениетінің қалыптасу, даму кезеңдерімен терең таныстыру. Бағдарламаның мақсаты – халықты қазақ театрының тарихымен таныстырып қана қоймай, онымен қоса театр сырларына, мәдениетіне қанық қылу, мәдени талғамды көтеру.
Бағдарлама міндеті:
"Театр әлемі" хабары қазақтың ежелгі тарихы, шежіресі, салт-дәстүрі, әдет-ғұрпы, әні-биі, тұнығы лайланбаған ана тілі қазақ театрларының сахналарынан көрініс тапқандығын айғақтамақ. Отандық театрлардың тарихынан бөлек, қазіргі жай-күйі, даму перспективалары мен әлемдік мәдениеттегі орнын көрсетпек. Жұртшылықтың театрға деген ынта-ықыласы, құрметі мен қызығушылығын ояту, сахна сыртындағы тыныс-тіршілік пен өнерге маңдай тері сіңген еңбек адамдарының бейнесін ашу, таныту "Театр әлемінің" басты міндеті болмақ.
